ОХУ-ын Засгийн газраас коронавирусний халдвараас сэргийлэхийн тулд Москва хотод өнөөдрөөс эхлэн хөл хорио тогтоожээ. Тодруулбал иргэдээ эмнэлэг, эмийн сан болон, хүнсний дэлгүүр орох, хогоо асгах, нохойгоо салхилуулахаас бусад тохиолдолд гэрээс гарахгүй байхыг хотын дарга Сергей Собянин ням гарагийн үдэш анхааруулж зарласан байна. Иргэд хүнсний дэлгүүр орохдоо гэрээсээ 100м орчим холдохгүйгээр хүнсээ цуглуулахыг, дулаан орж буй хэдий ч амралтын өдрүүдээр олон нийтийн газар очих, аялж зугаалахгүй байхыг зөвлөсөн байна.
Тус хотод коронавирусний 1000 тохиолдол бүртгэгдээд байгаа юм.
