Монгол Улсын нүүрсний экспортыг коронавирустэй холбоотойгоор түр зогсоод байсан бол өнөөдрөөс дахиж экспортлож эхэлснийг Сангийн сайд Ч.Хүрэлбаатар мэдэгдлээ. Замын-Үүд боомтоор нүүрс тээвэрлэсэн автомашинууд халдваргүйжүүлэлт, ариутгалын холбогдох шаардлагыг ханган БНХАУ руу гарч эхэлсэн байна.
Нүүрс, газрын тос, бусад ашигт малтмалын экспортыг энэ сарын 15-наас эхлэн хийж эхлэхээр Засгийн газар шийдсэн ба холбогдох бэлтгэлийг сайтар хангасан нөхцөлд энэ хугацаанаас өмнө экспортыг эхлүүлнэ гэж мэдэгдэж байсан юм.
