Найруулагч Спайк Ли Оскарын 92 дахь удаагийн наадамд нэгэн эрхэм хүмүүний дурсгалд зориулан тун бодлоготой хувцаслан иржээ. Тэрээр домогт сагсанбөмбөгчин Коби Брайантын “Lakers” багийн өмсгөлтэй ижил шар, нил ягаан өнгийн хослол “Gucci”-ээр бүтээлгэж хослолынхоо энгэр болон нуруун дээр домогт тамирчны дугаарыг оёулсан байна. Мөн хослолтойгоо зохицуулж “Nike”-ын Kobe 9 Elite “Strategy” загварын пүүзээр гоёсон байна.
Найруулагч маань Коби Брайанттай ажил хэргийн дотно харилцаатай байсан бөгөөд 2009 онд түүний тухай “Kobe Doin’ нэртэй баримтат кино бүтээж байсан юм.
