БНСУ-д коронавирүсийн халдварын дөрвөн тохиолдол гарч нэгдүгээр сарын 27-ны өдрөөс эхлэн тус улсын холбогдох байгууллагууд өндөржүүлсэн бэлэн байдалд ажиллаж байна.
Тэгвэл БНСУ-ын Хууль зүйн яамны Гадаадын иргэн, харьяатын газраас мэдээлснээр халдварыг тархаахгүйн тулд тус улсад хууль бусаар оршин суугаа болон визийн зөрчилтэй гадаадын иргэдэд хандан уриалга гаргажээ. Хэрэв хууль бусаар оршин суугаа болон визийн зөрчилтэй гадаадын иргэдэд коронавирусын халдвар авсан байж болзошгүй шинж тэмдэг илэрвэл ямар нэг айдас, түгшүүргүй аль ойрхон байгаа эмнэлэг, эрүүл мэндийн төвд яаралтай хандахыг зөвлөсөн байна. Ийм тохиолдолд тухайн иргэний оршин суугаа статусын талаар цагдаагийн байгууллагад мэдэгдэхгүй, албадан нутаг буцаах арга хэмжээ авахгүй ажээ.
