Хүний эрхийн үндэсний комиссоос мэдэгдэл гаргажээ. Уг мэдэгдэлд “Монгол Улсын Хүний эрхийн Үндэсний Комисс болон Комиссын дарга Ж.Бямбадоржийн зүгээс Үндсэн хуулийн Цэцийн дарга Д.Одбаярын талаар ямар нэгэн ярилцлага, мэдээлэл өгөөгүй, байр суурь илэрхийлээгүй байхад зохиомол мэдээлэл олон нийтийн сүлжээгээр зохион байгуулалттайгаар цацаж олон түмнийг төөрөгдүүлж байна.
Иймд энэхүү бусармаг үйлдлээ нэн даруй таслан зогсоохыг эдгээр хүмүүсээс шаардаж байна” гэжээ. Цэцийн дарга Д.Одбаяр Солонгост онгоцны үйлчлэгч бүсгүйд бэлгийн дарамт үзүүлсэн байж болзошгүй гэсэн шуугиан дэгдсэний дараа Ж.Бямбадорж түүнийг өмөөрсөн гэх утгатай яриа цахим орчинд түгсэн юм. Тэд энэ мэдэгдлээрээ Ж.Бямбадорж Цэцийн дарга Д.Одбаярыг өмөөрөөгүй гэдгийг хэлжээ.
