Их Британийн “Кэмбриж аналитика” гэх улстөрийн фирм 2015 онд 80 сая хүний хувийн мэдээллийг хууль бусаар фэйсбүүкээс нь авч ашигласан нь шуугиан тарьж байсан. Үүний дараа Их Британийн Мэдээллийн төлөөлөгчдийн алба фэйсбүүк компанийг хэрэглэгчдийнхээ хувийн мэдээллийг хамгаалж чадаагүйд буруутган шүүхэд өгсөн билээ. Тэгвэл шүүхээс фэйсбүүк компанийг буруутайд тооцож 640 мянган ам.доллараар торгохоор болжээ.
Энэ талаар фэйсбүүк компанийн төлөөлөгч хэлэхдээ, хэрэглэгчдийнхээ хувийн мэдээллийг хамгаалах нь бидний нэн тэргүүний зорилт байдаг. Үүний тулд хяналтын цэснүүдийг хөгжүүлэхээр тасралтгүй ажилласаар байна гэв.
