Дэлхийн үнэт өвд бүртгэгдсэн Окинавагийн Шүри шилтгээн өнөө өглөө галд автаж бараг тэр чигтээ шатжээ. Өглөөний 2 цаг 40 минутад галын дуудлага ирж гал командынхан очсон ч модон хийцтэй барилга маш түргэн галд эзлэгдсэн байна.
600 жилийн түүхтэй уг шилтгээний зүүн хэсэг нь дэлхийн II дайны үед америк цэргүүдийн дайралтаар сүйдсэн ч дараа нь 1992 онд нөхөн сэргээсэн байсан юм.
Шилтгээн таван хэсгээс бүрэлддэг бөгөөд гал барилгын гол хэсгээс эхэлж бусад хэсгүүд рүүгээ дамжжээ. Одоогоор галын шалтгаан тодорхой болоогүй байна.
Шүри шилтгээн нь Окинава дахь жуулчдын хамгийн их очдог газар байсан юм.
