ХХААХҮЯ-ны зарим түшмэлийг АТГ-аас тендерийн хэргээр шалгаж эхэлжээ

Ч.Улаан сайдын удирдаж байгаа яамны зарим албан тушаалтан гэмт хэрэг үйлдсэн байж болзошгүй гэх үндэслэлээр АТГ-аас саатуулан шалгаж эхэлжээ. Тэднийг тендерийн асуудалтай холбодуулан шалгаж байгаа бөгөөд өчигдөр тодорхой обьектуудад үзлэг, нэгжлэг хийсэн байна. Мөрдөн шалгах ажил ид үргэлжилж байгаа тул үүнээс илүү мэдээлэл өгөх боломжгүйг албаны эх сурвалж хэллээ. Өөр нэг эх сурвалжийн мэдээлснээр Н, А гэсэн хоёр албан тушаалтныг шалгаж байгаа юм байна.  Нэг нь яаманд ажилладаг бөгөөд нөгөөх нь улсын өмчит үйлдвэрийн газрын санхүү хариуцсан түшмэл байж болзошгүй байна. Өнгөрсөн онд АТГ-аас ХХААХҮЯ-нд хяналт шалгалт хийхэд 14 зөрчил илэрсэн байдаг. Хэн гэдэг албан тушаалтан ямар хэргээр шалгагдаж байгааг эргэн мэдээлэх болно.