Индонезийн зүүн хэсгийн нутаг Малукуд 6.8 баллын хүчтэй газар хөдөлж 20 гаруй хүн амиа алджээ. Газар хөдлөлт пүрэв гарагийн өглөө 08:46 минутад болсон бөгөөд 100 гаруй хүн гэмтэж, бэртэж, 2000 хүнийг нүүлгэн шилжүүлээд байна. Одоогоор уг газар хөдлөлтийн улмаас учирсан хохирлын хэмжээг тодорхойлоогүй байгаа бөгөөд зам, гүүр, эмнэлэг, сургууль гэх мэт олон барилга сүйдээд байна.
Малуку нь 1.7 сая хүн амтай, Индонезийн хамгийн бага хүн амын суурьшилтай газар аж.
2018 оны 09 дүгээр сард тус улсын Палу аралд 7,5 баллын хүчтэй газар хөдөлснөөс цунами үүсч 4000 гаруй хүн на барж байсан юм.
