“Боинг” компанийн эсрэг 400 гаруй нисгэгч нэгдэж тус компанийг шүүхэд өгчээ. Тэд “Boeing 737 MAX” загварын нисэх онгоцны доголдлыг “Боинг” компанийнхан үл тоож, нуун дарагдуулсан нь онгоцны хоёр ч удаагийн осол болоход нөлөөлсөн гэж үзэж өргөдөл гаргажээ. Тус загварын онгоцыг нислэг үйлдэхийг зогсоогоод байгаа тул нисгэгчид цалин болон сэтгэл санааны гэх мэт бусад бэрхшээлтэй тулгарч байгаагаа өргөдөлд бичжээ. Өргөдлийг 10 дугаар сарын 21-нд Чикаго хотын шүүхэд авч хэлэлцэх юм байна.
“Боинг” компани “Boeing 737 MAX” загварын Этиопийн агаарын тээврийн онгоц осолдоход 157 хүн, Индонезийн агаарын тээврийн онгоц осолдоход 189 хүн амиа алдсан юм.
