Улсын цолтой цөөнгүй бөх сэргээшийн шинжилгээнд бүдэрч, барилдах эрхээ хоёр жилээр хасуулаад багагүй хугацаа өнгөрлөө. Тэдгээр бөхчүүдийн дотор Улсын наадмын үзүүр, түрүүнд хүрч барилдах боломжтой, бөх сонирхогчдын таамагт байнга нэр нь дурдагддаг улсын гарди Ө.Бат-Орших, улсын заан Б.Пүрэвсайхан, улсын начин Э.Даш нар байгаа юм. Шинжилгээнд бүдэрсэн бөхчүүд МҮБХ-ны тэргүүн Б.Бат-Эрдэнэд хандаж өргөдөл бичжээ. Энэхүү өргөдөлд алдаа гаргаснаа хүлээн зөвшөөрч, бөх сонирхогчид, бөхчүүд, Монголын нийт ард түмнээс уучлал гуйсан байна. 
Сэргээшийн шинжилгээнд бүдэрсэн бөхчүүд албан ёсоор уучлал гуйлаа
