Мексикийн Мехико хотоос Японы Нарита олон улсын нисэх буудлыг зорьж байсан нисэх онгоцонд сууж явсан Японы иргэнийн бие гэнэт муудаж нас барсан хэрэг саяхан гарчээ. Япон зорчигч таталт өгч эхэлсэнтэй холбоотойгоор нисэх онгоц Мексикийн Сонора мужийн Эрмосильо хотод ослын буулт хийсэн ч зорчигч удалгүй нас барсан аж. Түүний ходоодноос 246 хэсэг кокаин илэрсэн бөгөөд тэрээр мансууруулах бодис хэтрүүлэн хэрэглэснээс үүдэлтэй тархины хавангийн улмаас нас барсан гэсэн шинжилгээний дүгнэлт гарчээ.
Тодруулбал Японы иргэн Үдо Эн 2.5 сантиметр урт, 1 сантиметр өргөнтэй 246 ширхэг гялгар уутанд хийсэн хар тамхи залгиснаас болж амиа алдсан байна.
Тэрээр Колумбийн нийслэл Богота хотоос Мексикээр дамжин Японыг зорьж байсан бөгөөд Мексикийн цагдаагийн газраас уг хэргийг үргэлжлүүлэн шалгаж байна.
