АНУ-ын Ерөнхийлөгч Доналд Трамп, тэргүүн хатагтай Меланигийн хамтаар Япон улсад энэ сарын 25-28-нд дөрвөн өдөр айлчилж байна. Тэрээр өнөөдөр Японы Эзэн хаан Нарухито, хатан хаан Масакод бараалхаж Японы шинэ Эзэн хаанд бараалхсан анхны гадаадын төрийн тэргүүн болов. Эзэн хааны болон АНУ-ын төрийн тэргүүн нар хоорондоо бэлэг солилцсон бөгөөд Трампыг Японы өөрийгөө хамгаалах хүчний хүндэт харуул угтан, тус хоёр улсын төрийн сүлд эгшиглэсэн байна.
АНУ-ын Ерөнхийлөгч өчигдөд Ерөнхий сайд Шинзо Абэтэй уулзаж, мэргэжлийн сүмо бөхийн барилдааны түрүү бөхөд хоёр орны найрамдлыг бэлгэдсэн тусгай цомыг бэлэглэсэн юм.
Японы Ерөнхий сайд Шинзо Абэ ирэх зургадугаар сарын дундуур Иран улсад айлчлахаар төлөвлөж буй. Трамп, Абэ нар уулзалтынхаа үеэр Вашингтон болон Тегераны хурцадмал асуудлаар ярилцсан гэж Кёодо агентлаг мэдээллээ.
