“The Hu” хамтлаг энэ сарын 23, 24-нд 19:00 цагт White rock центрт тоглолтоо хийхээр болжээ. Тэдний тоглолтод битбокс, хөөмий, исгэрээ болон язгуур урлагийн хөгжмийн зэмсгийг ашиглан Монгол ардын аялгууг орчин үеийн хөгжим рүү хөрвүүлсэн уран бүтээл туурвидаг Ата Боргужин оролцох юм байна. Тоглолтын тасалбарыг ticket.mn сайтаар борлуулж байгаа бөгөөд 70 мянга, 100 мянган төгрөгийн үнэтэй ажээ.
Тус хамтлагийн продюсер нь Монгол Улсын гавьяат жүжигчин, дуучин Б.Дашдондог юм. Тэрээр “THE HU” хамтлагийг 2016 онд үүсгэн байгуулсан бөгөөд хамтлагийг хөгжмийн зах зээлд гаргаж ирэхийн тулд олон жилийн турш судалгаа хийжээ. Одоогоор 9 дуутай “Гэрэг” нэртэй анхны цомгоо энэ онд гаргахаар төлөвлөж, эхний хоёр дуу цацагдсан нь “Yu ve yu ve yu”, “Чонон сүлд” юм. Эдгээр дуу нь жил хүрэхгүй хугацаанд зөвхөн youtube сувгаар 27 орчим сая сонсогч, үзэгчдэд хүрчээ.
