Тэртээх 75 жилийн өмнө төвийн болон зүүн аймгуудын нутгийг хамарсан хүчтэй цасан шуурганаар Дорноговь аймгийн хилийн 0129 дүгээр ангийн хилчид шуурганд уруудсан 70000 гаруй адууг Өргөн сумын иргэдтэй хамт тогтоож “Их говийн зоригтон” хэмээн алдаршиж байсан билээ.
Энэ сарын 18-ны өдөр Сүхбаатар, Дорноговь аймгийн нутгаар салхины хурд 18-22 м/секунд хүрч, шороон болон цасан шуурга шуурч, Сүхбаатар аймгийн Онгон, Наран, Дарьганга, Эрдэнэцагаан, Дорноговь аймгийн Эрдэнэ сумын ард иргэдийн 15 мянга гаруй толгой мал шуурганд уруудан улсын хилд тулсан байжээ. Хилийн цэргийн 0146, 0184, 0129 дүгээр ангийн хилчид уруудсан малыг тогтоож ард иргэдэд учирч болзошгүй хохирлоос сэргийлж чаджээ.
Хилчид шуурганд уруудсан 15 мянга гаруй малыг тогтоон малчдад тусалжээ
