Хүмүүсийн онлайн банкинд нэвтэрдэг нууц үгийг хакердан 40 мянган хүнээс 100 сая гаруй доллар луйвардсан олон улсын хакеруудын бүлгийн гишүүдийг баривчилсан гэдгээ Холбооны мөрдөх товчооноос мэдээллээ. Тэднийг баривчлахын тулд хэд хэдэн улсын хууль сахиулах байгууллагын ажилтнууд хамтарч тусгай ажиллагааны явуулсан бөгөөд үүний үр дүнд гэмт этгээдүүдийг олж чаджээ. Гэмт этгээдүүд Nymaim ба Gozi гэдэг хоёр хортой программ хангамжийн нэгдэл болох GozNym программыг ашиглан онлайн-банкинд нэвтэрдэг хохирогчдын нууц үгүүдийг хулгайлан авч байжээ. Хохирогчдын дотор жижиг бизнес эрхлэгчид, өмгөөллийн фирмүүд, олон улсын корпорациуд ба буяны байгууллагууд олон байгаа бөгөд Зүүн Европын иргэд ихэвчлэн тэдний золиос болжээ. Хакеруудын бүлгийн 10 гишүүнд АНУ-ын хуулийн дагуу ял тулгаад байгаа бол бүлгийн ахлагч ба түүний туслахыг Гүржийн хуулиар шийтгэх аж.
Хакеруудын дотор Оросын 5 иргэн байгаа бөгөөд интерполын таамаглаж байгаагаар, тэд ОХУ-ын нутаг дэвсгэрт нуугдан орогнож байгаа бололтой. Бүлгийн өөр нэг гишүүнийг АНУ-аас Болгарт шилжүүлэн өгсөн бол хоёр хакерыг Германы прокурорууд мөнгө угаасан хэрэгт буруутгаж байна.
Тусгай ажиллагаанд АНУ, Болгар, Герман, Гүрж, Молдов ба Украины цагдаа нар оролцжээ.
