АНУ болон бусад орны байгууллагуудын төрөл бүрийн нууц мэдээллүүдийг нийтлэдэг Викиликс сайтыг үүсгэн байгуулагч Жулиан Ассанж Эквадор улс түүнд улс төрийн орогнол олгосон 2012 оноос эхлэн Лондон дахь Эквадорын элчин сайдын яаманд амьдарч байгаад дөрөвдүгээр сарын 11-нд баривчлагдсан. Тэгвэл Эквадорын Засгийн газар Лондон дахь Элчин сайдын яаманд байгаа түүний бүх бичиг баримтуудыг АНУ-д шилжүүлэн өгөх гэж байгаа ажээ.
Ассанжийн гар утас, компьютер, зөөврийн диск зэрэг сүүлийн 7 жил амьдарсан өрөөг нэгжихэд гарсан зүйлсийг Эквадорын Ерөнхий прокурорын шийдвэрээр шилжүүлэн өгч байгаа юм байна.
Жулиан Ассанж одоогоор Их Британид байгаа бөгөөд АНУ-ын тал Жулиан Ассанжийг шилжүүлэн авах хүсэлтээ өнгөрсөн оны 12 дугаар сард Их Британид илгээсэн байна.
