АНУ-ын Нью Йоркт байрлах НҮБ-ын төв байранд Олон улсын хамтын ажиллагааны нийгэмлэгийн бага хурал болж БНАСАУ-ыг цөмийн зэвсэггүй гишүүн орон болгох талаар хэлэлцжээ. Умард Солонгос нь 2003 онд Цөмийн зэвсгийг үл дэлгэрүүлэх гэрээнээс татгалзсан бөгөөд үүнээс хойших 16 жилд цөмийн хөтөлбөрөө хөгжүүлэх, идэвхижүүлэхэд анхаарч ирсэн юм. Тэгвэл бага хуралд оролцсон 190 орны гишүүд хамтран БНАСАУ-ыг цөмийн зэвсгээсээ татгалзах уриалга гаргасан байна.
Тухайлбал, энэ үеэр АНУ-ын төлөөлөгч умард Солонгос цөмийн хөтөлбөрөөсөө татгалзаж байж цөмийн зэвсгээс үүдсэн хямралаа шийднэ гэсэн байр сууриа илэрхийлсэн бол БНХАУ-ын төлөөлөгч энэ асуудалд хүлээцтэй хандахыг төлөөлөгчдөд хандан хэлжээ. Еюропын холбооны төлөөлөгч БНАСАУ-ыг Цөмийн зэвсгийг үл дэлгэрүүлэх гэрээнд дахин нэгдэхийг хүссэн байна.
