Францын бэлгэ тэмдэг гэгддэг Нотр Дам буюу Парисын дарь эхийн сүм өнөө өглөө түймэрт өртөж, сүмийн орой болон дээд хэсэг шатлаа. Галыг унтраахаар 400 гаруй гал сөнөөгч ажилласан бөгөөд Нотр Дам сүмийн гол дурсгал, үнэт зүйлүүд галд өртөөгүй хэмээн мэдээлж байна.
Дэлхий нийт энэ мэдээг цочирдон хүлээн авсан бөгөөд АНУ-ын Ерөнхийлөгч Дональд Трамп, Их Британийн Ерөнхий сайд Тереза Мэй, НҮБ-ын Ерөнхий нарийн бичгийн дарга Антонио Гутерреш, Германы канцлер Ангела Меркель, АНУ-ын дэд ерөнхийлөгч Майк Пенс, Ватиканы эрх баригчид, АНУ-ын ерөнхийлөгч асан Барак Обама зэрэг дэлхийн томоохон удирдагчид уг үйл явдалд гүнээ харамсаж буйгаа илэрхийлжээ.
Тухайн үед сүм дотор сэргээн засварлах ажил явагдаж байсан нь гал гарах гол шалтгаан болсон гэж таамаглаж байгаа юм.
13 дугаар зуунд баригдсан, 850 жилийн настай Готик хэв маягийн Католик сүм нь нүдэн дээр нь дүрэлзэн шатаж буйг харж, залбиран зогсох Парисын иргэдийн харуусал, түймрийн дүр зургуудыг эндээс үзнэ үү.
