Ерөнхийлөгч Х.Баттулга өмнөд хөрш БНХАУ-д айлчилна

Ерөнхийлөгч Х.Баттулга энэ сардаа багтаж өмнөд хөрш БНХАУ-д айлчлал хийхээр мордоно гэж эх сурвалжууд мэдээллээ. Төрийн тэргүүний айлчлалын бэлтгэл ажлыг Гадаад харилцааны сайд Д.Цогтбаатар өнгөрсөн долоо хоногт БНХАУ-д ажиллах үеэрээ хангасан юм байна. Ерөнхийлөгч энэ удаагийн айчлалаараа бүс нутгийн хамтын ажиллагаа, өмнөд хөрштэй хамтарч хэрэгжүүлэх хөтөлбөр, төслүүдийг урагшлуулахад нэлээн анхаарал хандуулж байгаа ажээ. Төрийн тэргүүний айлчлалын бүрэлдэхүүнд бизнесийн төлөөлөл багтсан бөгөөд харилцаа, хамтын ажиллагаагаа өргөжүүлэх чиглэлээр холбогдох баримт бичгүүдэд гарын үсэг зурахаар төлөвлөж байгаа юм байна.