Мэргэжлийн сүмо бөхийн Харү башёд ёкозүна Хакүхо М.Даваажаргал 15 даваатай өвдөг гороодолгүй түрүүлж, Японы эзэн хааны цомыг 42 дахь удаагаа өргөлөө. Ингэснээр их аварга маань Хэсей цаг тооллын сүүлчийн башёд түрүүлсэн түүхэн үйл явдлын эзэн болов.
Мөн энэ амжилт нь их аварга Хакүхо дээд зиндаад унаагүй түрүү хүртсэн 15 дахь тохиолдол, Харү башёд найм дахь удаагаа түрүүлж байгаа шинэ амжилтын үргэлжлэл байлаа.
Энэ тэмцээнд монгол сүмоч Ичиножёо А.Ичинноров башёгийн сүүлийн өдөр хүртэл түрүү бөхийн өрсөлдөөнд бичигдэж, башёг 14 даваатай өндөрүүлэв.
