Ерөнхийлөгч Х.Баттулгын ахлах зөвлөхөөр хоёр жил шахам ажилласан Н.Алтанхуяг өнөөдөр зөвлөхийн ажлаасаа чөлөөлөгдөх хүсэлтээ өгсөн байна. Тэрээр өргөдөлдөө өнгөрсөн хугацаанд хууль бус үйлдүүдтэй тэмцэж, эх орноо хөгжлийн зөв голдиролд нь оруулах чиглэлээр хийсэн багийнхаа ажлыг тодорхой үр дүнд хүрч байгаа гэж дүгнэжээ. Мөн ажлаа өгөх болсон нэгэн шалтгаанаа цаашид ардчиллаа аврах, хүний эрхийг хамгаалах, нам дагасан бүлэглэлийн хамсаатан болсон АН-ын удирдлагатай хариуцлага тооцох хойшлуулашгүй ажил байгаа учир гэж тайлбарласан байв. Тэгэхээр эндээс дүгнэхэд нэгэн цагт АН-ыг удирдаж тус намыг УИХ-д хамгийн олон суудалтай болгон ажиллаж байсан Н.Алтанхуяг одоогийн АН-ын дарга С.Эрдэнэтэй гардан тулаан хийхээр ханцуй шамлаж байгаагаа нуусангүй. 
Н.Алтанхуягийн нүүдэл АН-ын даргын суудал уу
