Эхийн хэвлийн байх сүүлийн гурван сарын хугацаанд ураг нь ээжийнхээ дууг таньж, өөр бусад танихгүй дуу хоолойноос ялгадагийг шинжлэх ухаанаар нотлосон байдаг. Хүүхэд хэдий ээжийнхээ дуу хоолойг хамгийн түрүүнд таньж, ээжийнхээ тэр дуу хоолойнд л дуртай байдаг ч ярьж сурахад аавын үүрэг хамаагүй их байдаг ажээ. Энэ талаар БНХАУ-ын Фуданы их сургуулийн эрдэмтэд судалж тодруулсан байна. Судалгааг ахалсан Меган Зангийн хэлснээр хүүхэд ээжээсээ үгийн дуудлага зэргийг “өвлөдөг” бол ааваасаа шинэ үгсийг тогтоож авдаг ажээ. Тиймээс хүүхдээ хэлд эрт орох, хэл ярианы хөгжил сайтай болгохыг хүсвэл аав нар хүүхэдтэйгээ илүү ярих хэрэгтэй гэж судалгааны багийнхан дүгнэжээ.
