Зайсангийн KFC салбараар үйлчлүүлсэн иргэд хоолны хордлогод орж ХӨСҮТ-д 40 гаруй хүн эмчлүүлж байгаа. Хордлогын талаарх лабортарорийн шинжилгээний хариуг өнөөдөр олон нийтэд мэдээлэхээр мэргэжлийн хяналтын байгууллагаас мэдэгдсэн. Тэгвэл өчигдөр оройн нийслэлийн шуурхай хурал дээр уг асуудлын талаар хэлэлцэж шинжилгээний хариуг танилцуулсан байна.
Уг хариугаар Зайсан салбарын хоёр ажилтан нь цусан суулга өвчний халдвартай гэсэн дүгнэлт гарчээ. Тэд эрүүл ахуйн бичиг хуурамчаар бичүүлж ажилд орсон тул тул эрүүгийн хэрэг үүсгэхээр болсон байна. Мөн уснаас нь өвчин үүсгэгч бактери илэрсэн, бүтээгдэхүүний дээж, материалууд нь өвчин үүсгэгч бактеритай гэсэн лабораторийн хариу гарчээ.
Энэ талаар 10,30 цагаас НМХГ-аас мэдээлэл өгөх юм байна.
KFC-ийн хоёр ажилтан цусан суулга өвчний халдвартай байжээ
