УИХ дахь МАН-ын бүлгийн дарга Д.Хаянхярвааг огцруулах шийдвэр гаргалаа

УИХ дахь МАН-ын бүлгээс дөнгөж сая нэгэн улс төрийн шийдвэр гаргалаа. УИХ дахь МАН-ын бүлгийн дарга Д.Хаянхярвааг огцруулахыг бүлгийн 32 гишүүн дэмжиж олонх болжээ. Харин түүнд хариуцлага тооцох шаардлагагүй гэж 27 хүн санал өгсөн байна. Санал хураалтыг хоёр удаа явуулсан бөгөөд эхний удаад 29:29-өөр тэнцсэн юм. Дахин явуулахад МАН-ын бүлгийн гишүүдийн олонх нь Д.Хаянхярвааг бүлгийн даргаас огцруулах нь зүйтэй гэж үзжээ. Одоогийн байдлаар МАН-ын удирдах зөвлөл, УИХ дахь бүлгээс Нийслэлийн Засаг дарга бөгөөд Улаанбаатар хотын захирагч Су.Батболд, УИХ дахь МАН-ын бүлгийн дарга Д.Хаянхярваа нарт улс төрийн хариуцлага тооцож албан тушаалаас нь огцруулах шийдвэр гаргаад байна. Харин одоо УИХ-ын дарга М.Энхболдод улс төрийн хариуцлага тооцож, албан тушаалаас нь огцруулах асуудлыг хэлэлцэх үлдлээ.