Хуучраагүй хуучны дуунууд
Америкийн рок хамтлаг “No doubt”-ын Don’t speak дууг сонсоогүй хүн цөөн биз. Харин уг дуу нь тус хамтлагийн гишүүдийн хайр сэтгэлээс ургаж гарсан гэдгийг мэдэх үү.
Хамтлагийн гоцлол дуучин Гвен Стефани, басс гитарчин Тони Канал хоёрын долоон жил үргэлжилсэн хайр сэтгэлийн гэрч бол энэ дуу. 1996 онд тэдний удаан хугацааны харилцаа дуусгавар болсон бөгөөд хамтлагийн гоцлол дуучин дуучин Гвен Стефани ах Эрик Стефанитай хамтран уг дууны үгийг бичжээ. Ахынхаа бичиж ноороглож байсан хайрын дууг сонссон Гвен дууг бүтэлгүй хайрын дуу болгон хувиргаж дууны үгийн зарим бадгийг өөрөө шууд бичсэн гэдэг. Ингэж 1996 онд бичигдсэн түүхтэй уг дуу Billboard Hot 100 Airplay чаартад 16 долоо хоног тэргүүлж Австрали, канад, Шинэ Зеланд, Ирланд, Английн чаартуудыг ч удаан хугацаанд тэргүүлсэн байдаг. Хожим бас гитарчин Тони Guardian-д өгсөн ярилцлагадаа дуу бүтсэн тэр цаг хугацаа хэн хэнд нь маш хүнд үе байсныг дуррсан байдаг. Ялангуяа экс найз охин нь өөрөөс нь болж шархалсан тухай хайрын дуугаа дуулахыг өдөр бүр сонсон хамт сургуулилахаас аргагүй байх, тайзан дээр дуулахад нь аяыг нь дараад зогсох туйлын хэцүү байснаа дурссан байдаг.
Харин Гвен энэ талаар шал өөр дурсамжийг хэлсэн. Тэрээр хайр сэтгэл, эрхлэхээс өөр зүйл мэддэггүй байсан бүсгүйг тэр салалт маань өөрчилж өгсөн. Би илүү бүтээлч болж олон ч дууны үг бичсэн. Бидний салалт намайг дууны үг зохиогч болгосонд би дараа нь баярласан гэж дурсжээ. Ингээд “No doubt”-ын гишүүдийн хайр сэтгэлээс үүдэж төрсөн дуугаа сонсоё.
