Байгаль хамгаалах сарын аянг нээлээ

БОАЖЯ-наас байгаль хамгаалах сарын аяныг нэг сарын хугацаанд орон даяар эхлүүллээ.  Жил бүрийн  есдүгээр сарын 15-нийг дэлхийн олон улс оронд “Эх дэлхийгээ цэвэрлэх өдөр” болгон тэмдэглэдэг бөгөөд уг  аяныг ч дээрх  өдөртэй давхцуулан нээсэн  байна.

Хог хаягдлын асуудлыг бууруулах, эрүүл зөв дадалтай хамт олон, өрх гэрийг бүтээх, нийгмийн сэтгэхүйг өөрчлөх, иргэд олон нийтэд эерэг нөлөөлөл үзүүлэх зорилготой энэхүү аяны нээлтээр Туул голын урд эрэг дагуу 10 байршилд цэвэрлэгээ зохион байгуулжээ.

Анх 2007 онд Эстони улсад хэсэг залуучуудын санаачилгаар эхлүүлсэн энэхүү үйл ажиллагаа жилээс жилд өргөжин тэлсээр 2018 онд дэлхийн хүн амын таван хувийг хамран, дэлхийн 150 орон нэгэн зэрэг зохион байгуулах болжээ.