Явган хүний гарцан дээр машинаа тавьж, шаардлага тавьсан сургуулийн эргүүлийн эрх чөлөөнд халдсан жолоочийн бичлэг цахим ертөнцөд дуулиан дэгдээгээд байв. Танхайрсан этгээдийг цагдаагийн байгууллага шалгаад зохих шийтгэлийг ногдуулснаа олон нийтэд мэдэгдлээ. Цагдаагийн байгууллагын мэдээнд “2018 оны 05 дугаар сарын 18-ны өдөр Чингэлтэй дүүргийн 1-р хороо 23 дугаар сургуулийн гадна танхайрсан иргэнд Чингэлтэй дүүргийн эрүүгийн хэргийн анхан шатны шүүхээс 30 цагийн албадан сургалтад хамруулж, 7 хоног баривчлах шийтгэл оногдууллаа. 2018.05.19-ний өдөр 10.45 цагт СБД-ийн нутаг дэвсгэр Нарны зам дагуу Урбанекийн уулзвар дээр цагдаагийн алба хаагчийн тавьсан хууль ёсны шаардлагыг биелүүлээгүй тул 250.000, явган хүний замаар автомашинтай явсан зөрчилд нь 20.000 төгрөгөөр тус тус торгож арга хэмжээ авав” гэжээ. 
Танхай жолоочид 7 хоног баривчлах шийтгэл ногдуулжээ
