Нийслэлийн цагдаагийн газрын Хулгайн гэмт хэрэгтэй тэмцэх хэлтсийн ажилтнууд “Приус” машин хулгайлж, улсын дугаар, өнгө үзэмжийг өөрчилж зардаг бүлэг залуусыг илрүүлжээ. Өнгөрсөн хугацаанд 30 гаруй авто машиныг хулгайлсан нь одоогоор тогтоогдож байгаа бөгөөд Авто тээврийн газарт тухайн машины улсын дугаарыг солиулж, мөн авто засварын газарт өнгө үзэмжийг нь өөрчлөн засварлаж цааш нь худалдаалдаг сүлжээ бий болсныг тогтоогоод байна.
Одоогоор хулгайд алдагдсан, өнгө үзэмжийг өөрчилсөн арваад машиныг хураан авсан байгаа аж.
Дээрх мэдээллийг дэлгэрүүлэн Нийслэлийн цагдаагийн газрын Хулгайн гэмт хэрэгтэй тэмцэх хэлтсээс тодорхой мэдээлэл авч болно.
Яг одоогоор Авто засварын газраас хураан авсан арваад “Приус” машин Нийслэлийн цагдаагийн газрын гаднах зогсоол дээр байгаа бөгөөд, очвол мөрдөн байцаагч, хохирогч зэрэг хүмүүстэй уулзаж мэдээлэл авах боломжтой.
