ДЭМБ-аас хүний хоногт хэрэглэх давсыг 5 граммаас бага байх хэрэгтэй гэж зөвлөдөг. Ийм тохиолдолд давс ихэдсэнээс үүдэлтэй зүрх судасны өвчинд өртөх магадлал буурах аж. Харамсалтай нь монголчуудын 83 хувь нь давсаа хэтрүүлэн хэрэглэдгийг доор зургаас харж болно. НЭМҮТ-өөс явуулсан судалгаагаар даралт ихтэй, “давстай цай уудаг” хүн амын хоногийн шээсний натрийн дундаж хэмжээ, натри, калийн харьцаа нь даралт хэвийн, “давсгүй цай уудаг” хүмүүсийнхээс 1-1.2 дахин өндөр гарчээ. Тиймээс давсны хэрэглээндээ хүн бүр анхаарч аль болох багасгахыг Нийгмийн эрүүл мэндийн үндэсний төвөөс зөвлөж байна.
Зүрх судасны эрхтэн тогтолцооны өвчин нь манай улсад хүн амын өвчлөл, нас баралтын тэргүүлэх шалтгаан хэвээр байсаар байгаа юм. Судалгаагаар 25-64 насны хүн амын 27.3%, 25-аас дээш насны 3 хүн тутмын нэг, 45-аас дээш насны 2 хүн тутмын нэг нь нь цусны даралт ихсэлтэй, 27.3% нь илүүдэл жинтэй, 12.5% нь таргалалттай байна.
