“Хөөрхөн хүүхэн” романтик бус эмгэнэлт кино болох ёстой байжээ

1990-ээд оны шилдэг кинонуудын нэг “Хөөрхөн хүүхэн”-ий эрэгтэй гол дүрд тоглосон Холливуд дахь Буддын шашны гол төлөөлөгч Ричард Гир тус кино анхандаа амар сайхнаар жаргадаг хэппи-эндтэй инээдмийн мелодрам байгаагүй тухай дурсан ярьжээ. Өдгөө 67 настай тэрээр “Variety” сэтгүүлд ярилцлага өгөхдөө, “Хөөрхөн хүүхэн” киноны зохиол “3000” гэсэн тэс өөр нэртэй байсан төдийгүй анхны зохиолын дагуу гол дүрийн баатрууд нэг нэгэндээ дурладаггүй бөгөөд төгсгөлд нь Жулиа Робертсийн дүр хар тамхи хэтрүүлж хэрэглээд тэнгэрт хальдаг байсан аж. Биеэ үнэлэгч Вивьен Ворд гэх биеэ үнэлэгчид долоо хоногт 3000 доллар төлдөг нь зохиолын эхний нэрд тусгагджээ. 

Тус кино Лос-Анжелесийн нийгмийн ялгарал, бохир секс-бизнесийн тухай маш бараан, эмгэнэлт түүх өгүүлэх ёстой байсан аж. Гэвч “Хөөрхөн хүүхэн”-ий продюсер Жеффри Катценберг зохиолоос тэс өөр түүх олж харан романтик инээдмийн кино болгон өөрчлөх шаардлагатайг ятгаж чаджээ. Ричард Гир ярихдаа, “Үзэхэд зугаатай, хөнгөн энэ киног нэг амьсгаагаар хийсэн юм шиг сэтгэгдэл төрдөг байх. Гэвч тийм биш. Кино зохиол байнга өөрчлөгдөж, зураг авалтын талбайд бид бүгд тэр өөрчлөлтийг дэлгэц дээр хэрхэн буулгах талаар маш их бодон цаг наргүй бишгүй туршилт хийж байсан юм. “Хөөрхөн хүүхэн”-ий нээлт дээр үзэгчид алга ташин талархан хүлээн авсны дараа л бид киноны багаараа сая нэг санаа амарч нойртой хонох болсон билээ” гэжээ.

spot_img

Их уншсан

Холбоотой мэдээ
бусад мэдээ

Г.Занданшатар ЖАЙКА-гийн Хөдөө аж ахуйн ахлах зөвлөх Ш.Накада тэргүүтэй төлөөлөгчдийг хүлээн авч уулзав

Монгол Улсын Их Хурлын дарга Г.Занданшатар өнөөдөр Японы Олон...

Хамба лам Д.Жавзандорж: Хүн бүр ёс зүйг эрхэмлэн буяны зүгт шамдаарай

Бурхан багшийн дүйчэн өдөр энэ сарын 23-нд тохиох гэж...

Ногоон автобусны нээлттэй сонсгол энэ сарын 21-нд эхэлнэ

Ногоон автобусны худалдан авалттай холбоотой нээлттэй сонсгол явуулахаар болсон....

Б.Ариунболд: Монгол Улс нэг намын дарангуйлал руу гулсах бодит аюул нүүрлэлээ

АН-ын Геологи, уул уурхайн бодлогын зөвлөлийн дарга Бямбын Ариунболдтой...