Үндэсний их баяр наадмын шагайн харвааны тэмцээнийг зохион байгуулах салбар хороо өчигдөр хуралдлаа. Энэ жил шагайн харвааг насанд хүрэгчид, ахмад, өсвөр гэсэн гурван ангиллаар зохион байгуулах бөгөөд бай шагналыг хоёр дахин нэмэгдүүлжээ.
Насанд хүрэгчдийн багийн харваанд түрүүлсэн баг 40 сая төгрөг, дэд байрт орвол 32 сая төгрөг, гуравдугаар байрыг 24 сая төгрөгөөр байлахаар болжээ. Мөн эхний 8 байрыг шалгаруулна. Мөн ахмад болон өсвөрийн багийн харвааны эхний 4 байрыг шалгаруулж, мөнгөн шагналаар урамшуулна.
