АНУ-ын арми Ойрхи Дорнодод өрнөж буй мөргөлдөөний үеэр нийт 330 сая ам.долларын үнэ бүхий MQ-9 Reaper нисгэгчгүй онгоцуудаа алдсан талаар албаныхан мэдээллээ.
АНУ-ын цэргийн эх сурвалжуудын мэдээлснээр, Ираны эсрэг явуулж буй “Operation Epic Fury” ажиллагааны үеэр дахин хоёр Reaper дрон устгагдсанаар нийт сүйрсэн дроны тоо 11 болж нэмэгджээ. Iran-ы агаарын довтолгооноос хамгаалах системүүд болон бүс нутгийн мөргөлдөөний нөхцөл байдлаас шалтгаалан эдгээр төхөөрөмжүүд устсан гэж мэдээлсэн байна.
Нэг MQ-9 Reaper дроны үнэ ойролцоогоор 30 сая ам.долларт хүрдэг бөгөөд тагнуул, тандалт, нарийвчилсан цохилтын ажиллагаанд ашиглагддаг орчин үеийн нисгэгчгүй онгоц юм.

Шинжээчдийн үзэж байгаагаар, дронууд ийнхүү олноор устгагдсан нь АНУ-ын тагнуулын болон агаараас цохилт өгөх ажиллагаанд тодорхой хэмжээнд нөлөөлөхөөс гадна Ираны агаарын хамгаалалтын чадавхыг харуулсан үйл явдал болсон байна.
Хоёр улсын хоорондох цэргийн хурцадмал байдал үргэлжилж байгаа бөгөөд бүс нутгийн аюулгүй байдлын нөхцөл байдал цаашид ч тодорхойгүй хэвээр байна.