Монгол Улсын Зэвсэгт хүчнээс НҮБ-ын энхийг сахиулах ажиллагаанд 2026-2027 онд үүрэг гүйцэтгэх штабын ажилтан (офицер), цэргийн мэргэжилтэн (цэргийн ажиглагч, холбогч офицер)-ний сонгон шалгаруулалтыг 2025 оны 08 дугаар сарын 04-ний өдрөөс 08-ны өдрүүдэд зохион байгуулна.
“Энхийг дэмжих ажиллагаанд оролцуулах бие бүрэлдэхүүнийг сонгон шалгаруулах журам”-ын шаардлагыг хангасан сонгон шалгаруулалтад оролцох хүсэлтэй цэргийн алба хаагч psod.maf.gov.mn цахим бүртгэлийн системд дараах материалыг 2025 оны 07 дугаар сарын 28-ны өдрөөс 08 дугаар сарын 03-ны өдрийн дотор бүрдүүлж бүртгүүлнэ үү.
Үүнд:
1. Харьяа нэгтгэл, анги, байгууллагын удирдлагын цохолттой цэргийн алба хаагчын энхийг сахиулах ажиллагаанд үүрэг гүйцэтгэх хүсэлт;
2. Ажил байдлын тодорхойлолт;
3. Жолооны үнэмлэхийн хуулбар;
4. Гадаад паспортын хуулбар;
5. Цэргийн ажиглагч, штабын офицерын сургалт, дамжаа дүүргэсэн сертификатын хуулбар;
6. Сүүлийн 3 сарын дотор авхуулсан 4х6 хэмжээтэй цээж зураг 2 хувь;
7. Иргэний, эрүүгийн хариуцлага хүлээж байсан эсэх тухай тодорхойлолт
8. Товч судалгаа (доорх хүснэгтийг сонгон шалгаруулалтын системээс татаж авах боломжтой);
Жич: Шаардлагатай нэмэлт мэдээллийг ЗХЖШ-ын Энхийг дэмжих, цэргийн хамтын ажиллагааны хэлтэс [email protected] цахим шуудангаар болон 3679, 89602147, 70152660 дугаар руу холбогдож тодруулна уу. “энхийг дэмжих ажиллагаанд оролцуулах бие бүрэлдэхүүнийг сонгон шалгаруулах журам”-тай ЗХЖШ-ын цахим хуудасны эрх зүйн булан буюу https://gsmaf.gov.mn/gsmaf/cat/60 холбоосоор орж танилцана уу.
ЭНХИЙГ ДЭМЖИХ, ЦЭРГИЙН ХАМТЫН АЖИЛЛАГААНЫ ХЭЛТЭС
Энхийг сахиулагчдын сонгон шалгаруулалыг зарлалаа
