Ерөнхий сайдад итгэл үзүүлэх тухай тогтоолын төслийг УИХ-ын чуулганы нэгдсэн хуралдаанаар хэлэлцэж, гишүүд үг хэлж, асуулт асууж байна. Энэ үеэр гишүүн М.Нарантуяа Нара гишүүн байр сууриа нэлээн хурц илэрхийлээ. Тэрбээр “Энэ хуралд ирцээ бүртгүүлсэн гишүүдийг иргэд сайн хараад аваасай. Ирцээ бүртгүүлээгүй гишүүд ацан шалаатай, аль ч талд ороогүй алцаганасан гишүүд байгаа. Хоёрдугаарт, би энэ танхимд орж ирсэндээ харамсаж байна. Энэ танхимд орж ирээд би алаад өгнө гэж бодсон. Гэтэл энэ танхимд багцалсан, улсаа тонон дээрэмддэг, мафи бүлэглэлийн гар хөл болсон, тэднээс хандив мөнгөөр орж ирдэг газар байсан байна. Би өнөөдөр өдөртөө олдог мөнгийг хоёр хувааж, авчихаад “хулгайч” болчихоод байж байна.
Өнгөрсөн хугацаанд МАН дангаараа засагласан. Та нар бүгд ЖДҮ, тендер, концесс юу байдгийн бүгдийг нь хувааж авсан. Өнөөдөр гадаа болж байгаа жагсаал та нарын хувааж авах гэсэн атгаг санаа. Хэн чинь ажлаа албаа гүйлгээд уул уурхай, зам тээвэр, боловсролын сайдаар очих гээд байгаа. Монголын ард түмэн татвараа төлж чадахгүй байхад М-Си-Эс орд баялаг эзэмшигчид яахаараа хуулийн хийдлээр НӨАТ-ын татвараас тэглүүлээд байдаг юм бэ. Тэгсэн хэрнээ бүгдээрээ энэ эрх ашгийг хамгаалж байж дандаа ард түмний эрх ашгийг ярина. Би хэний ч дэмжлэгээр орж ирээгүй учраас шударга хэлж байгаа юм.
