Үндэсний эвслийн тэргүүн Н.Номтойбаяр цаг үеийн асуудлаар өнөөдөр мэдээлэл хийв. Тэрбээр” Үндэсний эвсэл хуралдаж олон нийтийн шаардлагыг зөв гэж үзэж байна. Түүнийг ажлаа өгч, орлогоо нотлохыг дэмжиж байна. Гагцхүү ажлаа өгөхдөө төрд хагарлын хар мөр үлдээхийг хүлээн зөвшөөрөхгүй. Төрийн ажилд хоноцын сэтгэлээр бүү ханд. Миний хувьд дараагийн Ерөнхий сайд болох гэж Төрийн ордноор гүйгээд байсан зүйл байхгүй. Би өчигдөр л орон нутгаас ирсэн.
Хувь хүнийхээ хувьд нууц санал хураалт явуулахыг дэмжихгүй. Ямар ч тохиолдолд ямар санал өгснөө нээлттэй хэлнэ. Миний хувьд дараагийн Ерөнхий сайд хэн болох вэ гэдэгт онцгой анхаарч байна. Гэтэл та нар Л.Оюун-Эрдэнэтэйгээ л зууралдаад байх юм. Ажлаа өгнө гээд хэлчихсэн. Үнэхээр орлогоо нотолж чадахгүй бол УИХ-ын гишүүний бүрэн эрхийн асуудал хүртэл хөндөгдөнө шүү дээ. ” гэв.
