Home спорт Барилдах эрх түдгэлзүүлсэн 29 үндэсний бөхийн тамирчны нэрсийг зарлалаа

Барилдах эрх түдгэлзүүлсэн 29 үндэсний бөхийн тамирчны нэрсийг зарлалаа

0
Барилдах эрх түдгэлзүүлсэн 29 үндэсний бөхийн тамирчны нэрсийг зарлалаа
Монголын Үндэсний Допингийн Эсрэг Байгууллага нь 2026 оны 10 дугаар сарын 01-ний өдрийн байдлаар эрх хасах шийтгэлийн хугацаа нь дуусаагүй болон эрх нь түр түдгэлзүүлсэн үндэсний бөхийн тамирчдын жагсаалтыг олон нийтэд мэдээллээ.
Допингийн эсрэг үндэсний дүрмийн 14.9-д тамирчин болон холбогдох допингийн эсрэг байгууллагуудад зохих мэдэгдлийг хүргүүлсний дараа тухайн тамирчин, хориотой бодис, арга, зөрчлийн шинж чанар болон түр түдгэлзүүлсэн талаар олон нийтэд мэдээлэхээр заасан. Түүнчлэн 14.13-т холбогдох мэдээллийг Үндэсний допингийн эсрэг байгууллагын, эсхүл спортын асуудал хариуцсан төрийн захиргааны байгууллагын цахим хуудсанд байршуулна гэж заасан байдаг.
Жагсаалтад нийт 29 үндэсний бөхийн тамирчин багтсанаас 22 тамирчин эрх хасах шийтгэлтэй, долоон тамирчны эрх түр түдгэлзүүлсэн байна. Тамирчдын овог, нэр, зөрчлийн төрөл, эрх хассан хугацаа, шинжилгээ авсан өдөр, эрх сэргэх огноо болон шийдвэр гаргасан байгууллага, холбогдох тайлбарыг жагсаалтад тусгасан байна.
80f858aa5b01415b8ea06ac596e1a59d
Эрх түр түдгэлзүүлсэн тамирчдын хувьд үр дүнгийн удирдлагын болон хэрэг хянан шийдвэрлэх ажиллагаа үргэлжилж байгаа бөгөөд түр түдгэлзүүлсэн статус нь допингийн эсрэг дүрмийн зөрчлийг эцэслэн тогтоож, эрх хасах шийтгэл оногдуулсан гэсэн утгыг илэрхийлэхгүй болно.

LEAVE A REPLY

Please enter your comment!
Please enter your name here