Home Дэлхий Японы экс гүнж Мако Нью-Йорк хотод суурьшихаар иржээ

Японы экс гүнж Мако Нью-Йорк хотод суурьшихаар иржээ

0
Японы экс гүнж Мако Нью-Йорк хотод суурьшихаар иржээ

Язгуур хэргэмээсээ татгалзсан Японы гүнж Мако нөхөр Кэй Комурогийн хамт АНУ-ын Нью-Йорк хотод иржээ. Тэд өнгөрсөн сард даруухан хуримласныхаа дараа Японы эзэн хааны ордноос явсан юм. Хос хоёр Нью-Йорк хотын Жон Кеннедийн нэрэмжит олон улсын нисэх буудалд газардаж буйг өчигдөр Японы телевизүүд үзүүлжээ.

Комуро амьдрах байраа бэлдсэн тухай Японы хэвлэлүүд мэдээлсэн ч Нью-Йоркийн аль дүүрэгт, ямар байранд амьдрах талаар мэдээлэл тодорхойгүй байна.

Сүүлийн жилүүдэд уламжлалт язгуур хэргэмээсээ татгалзаж, өөрийн хүч чадлаар амьдрахаар АНУ-ыг зорьсон хоёр дахь хос Мако, Комуро нар болж байгаа юм. Өмнө нь Их Британийн хунтайж Харри гэргий Меган Маркл нар мөн хатан хааны гэр бүлээс салж, АНУ-ыг зорьсон удаатай.

LEAVE A REPLY

Please enter your comment!
Please enter your name here