Home Онцлох Сонгуульд бие даан нэр дэвших хүмүүс мөрийн хөтөлбөрөө цахимаар илгээж болно

Сонгуульд бие даан нэр дэвших хүмүүс мөрийн хөтөлбөрөө цахимаар илгээж болно

0
Сонгуульд бие даан нэр дэвших хүмүүс мөрийн хөтөлбөрөө цахимаар илгээж болно
2017 оны хоёрдугаар сарын 24. Үндэсний аудитын газраас МУ-ын Ерөнхийлөгчийн сонгуулийн зардлын дээд хязгаарыг тогтоож олон нийтэд зарлан, мэдээлэл мэдээлэл хийлээ. ГЭРЭЛ ЗУРГИЙГ Г.ӨНӨБОЛД/ МРА

Үндэсний аудитын газар УИХ-ын 2020 оны ээлжит сонгуульд оролцох бие даан нэр дэвшигчдийн мөрийн хөтөлбөрийг 2020 оны дөрөвдүгээр сарын 24-ний өдрийг дуустал хүлээн авахаар хуульд тусгасан.

Улсын Онцгой Комиссын дөрөвдүгээр сарын 21-ны өдрийн 10 дугаар тогтоолоор  УБ, Сэлэнгэ, Дархан-Уул аймаг руу орох, гарах хөдөлгөөнийг  дөрөвдүгээр сарын 21-ний 21:00 цагаас энэ сарын 25-ны өдрийг хүртэл хаахаар болсонтой холбогдуулан бие даан нэр дэвшигчдийн мөрийн хөтөлбөрийг цахимаар хүлээн авахаар болжээ.

Бие даан нэр дэвшигчид мөрийн хөтөлбөрийг, холбогдох санхүүгийн эх үүсвэр, зардлын дүнгийн хавсралтын хамт pdf файл /сканердаж/ болгон [email protected] гэсэн цахим хаягаар илгээх юм байна.

Улаанбаатар хот руу орох, гарах хөдөлгөөнийг нээж хэвийн болсны дараа буюу дөрөвдүгээр сарын 29-ний өдрийн 17:30 минут хүртэл цахимаар хүлээн авсан мөрийн хөтөлбөрийн эх хувь /цаасан/-ийг хүлээн авна.

Ингэхдээ хөдөлгөөний хязгаарлалтад орсон гэдгийг нотлох баримт бичиг болон иргэний үнэмлэхийн хуулбар /нотариатаар баталгаажуулсан/ эсвэл оршин суугаа газрын тодорхойлолтыг хамт авч ирэн хүлээлгэн өгөх ажээ.