Home Онцлох Н.Номтойбаяр: Улс төрийн захиалгаар хөдөлдөг хуулийн байгууллагуудыг ичээмээр байна

Н.Номтойбаяр: Улс төрийн захиалгаар хөдөлдөг хуулийн байгууллагуудыг ичээмээр байна

0
Н.Номтойбаяр: Улс төрийн захиалгаар хөдөлдөг хуулийн байгууллагуудыг ичээмээр байна

УИХ-ын гишүүн Н.Номтойбаярын бүрэн эрхийг түдгэлзүүлэн шалгах саналаа АТГ-аас Улсын ерөнхий прокурорт хүргүүлсэн гэх мэдээлэл гарсан. Энэ талаар гишүүн Н.Номтобаяраас тодруулав.

-Таны бүрэн эрхийг түдгэлзүүлэн шалгах санал гарсан гэдэг мэдээлэл үнэн үү?

-Надад энэ талаар албан ёсоор мэдэгдсэн, хандсан зүйл одоогоор алга. Би хэвлэлээс л ийм мэдээлэл олж харлаа. Би өмнөх долоо хоногт хэвлэлийн бага хурал хийхдээ миний УИХ-ын гишүүний бүрэн эрхийг түдгэлзүүлэх саналаа оруулаад ирээсэй гэж хүсэж байгаагаа ч хэлсэн.

-Та яагаад ингэж хүсэх болов. Халдашгүй дархан байдлаа алдах нь албан тушаалтны хувьд хүсээд байх зүйл мөн гэж үү?

-АТГ, цагдаа болон хууль хяналтын байгууллагууд яаж улс төрийн захиалгаар ажиллаж байгааг олон нийтэд илчлэх боломж юм. Харин үнэхээр бүрэн эрхийг түдгэлзүүлэх санал орж ирээд УИХ-аар хэлэлцэх болбол нээлттэй байхыг л шаардана. Би нэрээ цэвэрлэе, олон нийт дүгнэлтээ хийг.