120 мянгатын уулзвар орчмын борооны ус зайлуулах шугамыг шүүрт худаг хийхээр төлөвлөжээ.
120 мянгатын уулзвар орчмын борооны ус зайлуулах барилга байгууламжийн асуудлаар Хотын Инженерийн байгууламжийн хэлтэс, Геодези, усны барилга байгууламжийн газрын холбогдох инженерүүдтэй гүйцэтгэгч Сэнзо Констракшны удирдлагуудын хамт хуралдаж ус зайлуулах шугам хоолойг хийхэд шаардагдах зураг, төсвийг ГУББГ хариуцан яаралтай боловсруулж, эцсийн байдлаар танилцуулах үүрэг өгсөн байна.
Уг асуудлаар өчигдөр дахин хуралдаж Богдын цэцэрлэгт хүрээлэн байгуулах талбайд шүүрт худаг хийхээр төлөвлөснийг Хотын Ерөнхий менежерт танилцуулан хийхээр шийдвэрлэлээ.
Энэхүү 120 мянгатын уулзвар орчимд үүсдэг их хэмжээний ус нь цэцэрлэгт хүрээлэн рүү халих эрсдэлтэй тул дээрх асуудлыг цогцоор нь шийдвэрлэж дахин уулзвар орчимд ус тогтохгүй байхаар төлөвлөлтийг хийсэн талаар Улаанбаатар хотын Захирагчийн ажлын албанаас мэдээллээ.
