БНСУ руу 4 дүгээр сарын 17-ны өдөр захиалгат нислэг төлөвлөөд байсан ч бэлтгэл ажил хангахтай холбоотойгоор түр хугацаагаар хойшлуулаад байсан юм. Тэгвэл өчигдрийн Улсын Онцгой комиссын хуралдааны үеэр Монгол Улсын Шадар сайд Ө.Энхтүвшин ойрын хугацаанд БНСУ болон Европын чиглэл болох Герман улс руу нислэг үйлдэх хугацааг товлон бэлтгэл ажил хангах үүрэг чиглэлийг холбогдох албаныханд өгсөн юм.
Улмаар 4 дүгээр сарын 30 нд БНСУ руу, 5 дугаар сарын 02-нд Герман улс руу захиалгат нислэг хийхээр төлөвлөөд байна.
Дээрх хоёр нислэгт хөгжлийн бэрхшээлтэй иргэн, бага насны хүүхэд, ахмад настан мөн 18 хүртэлх настай оюутнууд багтах бөгөөд Онцгой байдлын ерөнхий газар дээрх иргэдийн бүртгэл, мэдээлэлд хяналт тавьж ажиллана.
Мөн 48 цагийн дотор Ковид-19 халдварын шинжилгээ өгсөн, хариу нь сөрөг гарсан иргэдийг онгоцонд суулгах шаардлагыг тавина гэж Монгол Улсын Шадар сайдын Ажлын албанаас мэдээллээ.
БНСУ болон Герман руу захиалгат нислэг үйлдэнэ
1 сэтгэгдэл
Comments are closed.
Их тэнэг шүү!! 48 цагийн дотор шинжилгээ өгчихөөд нөгөө хүмүүс нь хариу нь гартал, онгоцондоо суутал хаагуурч явж болж байгаа. Тэгэж салгалж явж байгаад ямарч өвчтэй хүнтэй контакт аваад монголдоо ирэх юм билээ бүү мэд!!! Гадаадад шинжилгээ өнсөнөөрөө монголд ямарч үр ашиг байхгүй! Тэр тусмаа өндөр үнээр шинжилгээ өгсөн хүмүүс зүгээр л шатаад дуус ч байнашд!!!!! Ядаж монголдоо тэр мөнгө нь орж байвал дүүрсэн хэрэг гэж бодохсон!!!