Коронавирусний халдвар авч 16 дахь тохиолдлоор бүртгэгдсэн ОХУ-д суралцдаг оюутан хилээр нэвтрэх явцад халдварыг алдсан байж болзошгүй, мөн ОХУ-д биш Сэлэнгэд байхдаа халдвар авсан гэх мэдээлэл гараад байгаа. Тэгвэл Эрүүл мэндийн яамнаас тухайн оюутны суралцдаг хотод халдвар гарсан байсан учир анхнаас нь ганцаар тусгаарласан. Халдварыг тархаах алдаа гаргаагүй, тухайн оюутан халдвар авсны дараа хилээр орж ирсэн гэж мэдээллээ.
Хойд хилээр орж ирэхдээ ОХУ-ын талаас хамт алхаж, дараа нь автомашинд цуг суусан гээд ойрын хавьтлын 15 иргэнийг тусгаарлан шинжилгээ авчээ. Уг хүмүүсийн шинжилгээний хариу маргааш гарах юм байна.
Тухайн оюутныг ХӨСҮТ-д авчирч эмчилгээг эхлүүлжээ.
