Нийслэлийн нутаг дэвсгэрт нийтийн эзэмшлийн амралт, зугаалга, биеийн тамирын зориулалттай газар, цэцэрлэгт хүрээлэн, ногоон байгууламжийг нэмэгдүүлэх, нийтээр зүй зохистой ашиглах, хамгаалах зорилгоор 32 байршил бүхий 57,66 га газрыг байршил хэмжээг тогтоож “Нийтийн эдэлбэр газар”-т тооцох шийдвэрийг НИТХ-ын тэргүүлэгчдийн 2019 оны 126 дугаар тогтоолоор шийдвэрлэсэн.
Мөн эдгээр байршил дээр нэмж 38 байршлын 130,0 га газрын байршил хэмжээг тогтоон, нийтийн эзэмшилд шилжүүлсэн байна. Энэ нь нийслэл хотын иргэдийн хувьд үнэ цэнтэй шийдвэр гэж Нийслэлийн газар зохион байгуулалтын албанаас мэдээллээ.
Тодруулбал:
Баянгол дүүрэгт – 2 байршил 0.49 га
Баянзүрх дүүрэгт – 10 байршил 26.69 га
Сонгинохайрхан дүүрэгт – 6 байршил 4.83 га
Сүхбаатар дүүрэгт – 3 байршил 3.6 га
Хан-Уул дүүрэгт – 9 байршил 2.65 га
Чингэлтэй дүүрэгт – 8 байршил 92.2 га газрыг нийтийн эзэмшилд шилжүүлжээ.
