“Эрдэнэт үйлдвэр”-ийн 49 хувийн хувьцааг хууль бусаар шилжүүлэн авсан, эрх мэдлээ урвуулан ашигласан гэх хэргээр Монголбанкны ерөнхийлөгч асан Н.Золжаргал, Сангийн сайд асан Б.Болор, Зам тээврийн сайд асан Д.Ганбат, Засгийн газрын гишүүн Д.Эрдэнэбат нарт Нийслэлийн прокурорын газраас яллах дүгнэлт үйлдэн шүүхэд шилжүүлсэн талаар НПГ-ын Ерөнхий прокурорын орлогч Ц.Насанбат мэдээллээ. Уг хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн бөгөөд Эрдэнэт үйлдвэрийн 49 хувьтай холбоотой бизнесийн салбарынхны хэрэг мөрдөн байцаалтын шатандаа байгаа юм байна.
Жаст группийн захирал Ш.Батхүү, Эрдэнэт үйлдвэрийн захирлаар ажиллаж байсан Ч.Ганзориг нарт холбогдох бусдын эд хөрөнгийг залилсан, эрх мэдэл, албан тушаалын байдлаа урвуулан ашиглаж, мөнгө угаасан хэрэг прокурорын байгууллагад мөн ирсэн бөгөөд хэргийг шалгаж байгаа ажээ.
Прокурорын байгууллага энэ оны эхний улирлын байдлаар, нийт 1318 хэрэгт хяналт тавьж ажилласан байна.
