БНСУ-ын жүжигчин Со Жи Соб, найз бүсгүй болох Чо Ин Жун нар жил гаруй үерхсэний эцэст өчигдөр гэрлэлтээ батлуулжээ. Энэ талаар жүжигчин залуугийн харьяалагддаг агентлагаас сошлд мэдээлэл оруулж баяр хүргэсэн юм. Шинэхэн хос гэрлэлтээ батлуулсны баяраа зөвхөн гэр бүлийн хүрээнд даруухан тэмдэглэсэн байна. Тэд мөн баяраа бусадтай хуваалцахаар шийдэн “Сайн хөрш” буяны байгууллагад 50 сая воныг хандивлажээ. Уг мөнгийг коронавируснийн халдвар дэгдсэн эн үед боломжгүй айлын хүүхдүүдийн онлайн сургалтад зориулж таблет гэх мэт ухаалаг төхөөрөмж авахад зориулах юм байна.
Өдгөө 42 настай жүжигчин залуу өмнө нь өөр бүсгүйчүүдтэй нэр холбогдож байгаагүй бөгөөд ийнхүү анх удаа нэр холбогдсон бүсгүйтэйгээ гэрлэж байгаа юм.
