Бельгийн амьтны хүрээлэн амьтдыг тусгаарлалгүй хөрш зэргэлдээ амьдруулах туршилт хийж байгаа бөгөөд амьтад өмнөхөөсөө илүү идэвхитэй, баяр хөөртэй, бусадтайгаа нийцэж амьдарч байгаа ажээ. Тухайлбал орангутаны жижиг арал дээр 24 настай Ужин нэртэй орангутаны гэр бүлтэй /аав 24 настай, ээж 15 настай , хүү 3 настай/ Азиас ирсэн минжүүд тун ч сайн найз нөхөд болж эвтэй сайхан аж төрж байгаа аж. Минжүүд уснаасаа гарч том үслэг найз нартай тоглох маш дуртай гэж тус амьтны хүрээлэнгийн ажилтан Мэтью Жэдфрой хэлэв.
Орангутаны ДНК хүнийхтэй 97 хувь нь төстэй байдаг бөгөөд амьтдыг хүнтэй л адил бусадтай харилцаанд оруулж, идэвхитэй амьдруулах ёстойг туршил харуулж байна гэж тэд дүгнэжээ.
Сүүлийн үед орангутаны эх нутаг болсон Суматра болон Борни аралд орангутанууд цөөрч байгаа тул Бельгийн амьтны хүрээлэнгээс Борни аралд 11 мянган мод тарьж нөхөн сэргээлт хийхээр төлөвлөсөн байна.
