Увс аймаг болон Тува улсын Кызыл хотын хоорондын чиглэлд Хүннү Эйр ХХК нислэг үйлдэхээр болжээ. Тодруулбал, Увс аймгийн “Цагаан дэглий” нисэх буудал болон ОХУ-ын Тува улсын Кызыл хотын “Кызыл” олон улсын нисэх буудлыг агаарын замаар холбосон RIPEK агаарын хаалгыг 03дугаар сарын 26-ны өдрөөс шинээр нээсэн байна. Энэхүү чиглэлд шууд нислэг үйлдсэнээр нислэгийн үргэлжлэх хугацаа 10 минутаар багасч нислэг тутамд 300 кг шатахуун хэмнэснээр агаарын тээврийн үйлчилгээг зорчигчдод хямд үнээр үзүүлэх боломж бүрдэж байгаа ажээ.
