Унтахын өмнө буюу орой бүр тогтмол ваннд хэвтэж биеэ амраах нь маш ашиг тустай талаар судалгааны дүн гарчээ. Энэ нь зүрхний өвчин болоод харвалтын эрсдлийг бууруулдагийг шинжлэх ухааны “Heart” сэтгүүлд мягмар гарагт нийтэлсэн байв.
Тодруулбал, судалгааг Японы 40-59 насны хүмүүсийн дунд 20 жилийн хугацаанд явуулсан бөгөөд өдөр бүр халуун ванд ордог хүмүүст зүрхний өвчнөөр өвчлөх эрсдэл бусдаасаа 28 хувь бага, харвах нь 26 хувь бага байжээ. Учир нь халуун ваннд хэвтэх нь цусны даралтыг бууруулдаг ач холбогдолтой ба зүрхний үйл ажиллагааг дэмжих, цус судсаар дамжин тайвнаар биеийн бүх хэсгүүдэд очиход туслах нэг төрлийн дасгал болдог байна.
