Нэгдүгээр сарын 09-ний өдрөөс хойш манай улсын хэмжээнд 3413 иргэнийг тусгаарласан ба яг одоо 2383 иргэн ажиглалалтад байна. 14 хоногийн тусгаарлалт дууссан эхний иргэд 3 удаагийн давтан шинжилгээ өгөөд өчигдрөөс зарим нь гэртээ гарсан байна . Тодруулбал, Жаргалантаас 16, Асралт мед эмнэлгээс 13, Дархан-Уул аймгаас 23 иргэн өчигдөр ажигллалтаас гарч гэрийн ажиглалтад шилжжээ. Гэрийн хорионд шилжсэн иргэдэд мэргэжлийн байгууллагаас маш хатуу зөвлөмж өгч гаргаж байгаа, гэртээ гарсан иргэдийг ТЕГ, ЦЕГ, ОБЕГ-тай хамтран хянана гэж Эрүүл мэндийн яамнаас мэдээллээ.
ХӨСҮТ-өөс мэдээлснээр хяналт тусгаарлалтад байгаа иргэдэд хамар залгиур, цэр, уушиг, цус, ийлдэс, өтгөн шингэнд гэхчлэн бүх төрлийн шинжилгээг хийж байгаа юм байна.
Мөн сэрэмжлүүлэхэд коронавирусээр өвчилсөн хүмүүсийн 30 гаруй хувь нь ямар нэгэн шинж тэмдэггүй байгаа гэсэн судалгаа гарчээ. Нэг шинж тэмдэггүй хүн 1100 хүнд халдвар тараасан тохиолдол дэлхийд гарсан тул олон нийтийн газраар явахгүй байх, ялангуяа бага насны хүүхдийг дагуулж явахгүй байхыг мэргэжилтнүүл анхаарууллаа.
Манай улс коронавирусний халдварын эхний давалгааг амжилттай давсан ба хоёр дахь давалгааснаас сэргийлэх, үүсвэл хэрхэн давж гарах талаар цаашид голомтлон гаргахгүйн тулд Эрүүл мэндийн яам тооцож ажиллаж байна.
